Хуҷанд. 4-уми август. ОИ «Азия-Плюс» - Бар асари садамаи нақлиёт дар минтақаи шимоли ҷумҳурӣ корманди милиса ба ҳалокат расид.

Чӣ тавре ки ба ОИ «Азия-Плюс» аз маркази матбуоти Раёсати умури дохилии вилояти Суғд иттилоъ доданд, чанде қабл зимни ҳаракат дар хиёбони Рӯдакии шаҳри Панҷакент автомашинаи навъи «Мерседес-190»-и ба Фирӯз Бобомуллоеви 22-сола тааллуқдошта муовини сардори шӯъбаи ҷустуҷӯи ҷиноии ШКД-и шаҳр, капитани милиса Далер Бобоҷонови 29-соларо пахш мекунад.

Бино ба иттилои манбаъ, аз ҷароҳатҳои бардошта Бобоҷонов дар беморхона ба ҳалокат расидааст.